Hosea 6 WLC 1לכו ונשובה אל־יהוה כי הוא טרף וירפאנו יך ויחבשנו׃ 2יחינו מימים ביום השלישי יקמנו ונחיה לפניו׃ 3ונדעה נרדפה לדעת את־יהוה כשחר נכון מוצאו ויבוא כגשם לנו כמלקוש יורה ארץ׃ 4מה אעשה־לך אפרים מה אעשה־לך יהודה וחסדכם כענן־בקר וכטל משכים הלך׃ 5על־כן חצבתי בנביאים הרגתים באמרי־פי ומשפטיך אור יצא׃ 6כי חסד חפצתי ולא־זבח ודעת אלהים מעלות׃ 7והמה כאדם עברו ברית שם בגדו בי׃ 8גלעד קרית פעלי און עקבה מדם׃ 9וכחכי איש גדודים חבר כהנים דרך ירצחו־שכמה כי זמה עשו׃ 10בבית ישראל ראיתי [שעריריה כ] (שערוריה ק) ם זנות לאפרים נטמא ישראל׃ 11גם־יהודה שת קציר לך בשובי שבות עמי׃ פ Hebrew OT: WLC (Consonants Only) For comparative study, where possible, chapter and verse numbers on Biblos.com sites are mapped to the traditional convention used by the KJV, NASB, NIV and others. Bible Hub |
    |